Styrktar- og menningarsjóður Norvíkur veitir styrki til margvíslegra málefna. Styrktarsjóðurinn styrkir bæði stór og smá verkefni til lengri eða skemmri tíma. Úthlutun úr sjóðnum fer fram fjórum sinnum á ári.

Tilgangur sjóðsins er að styrkja verkefni eða félög sem snúa að menningu, íþróttum, listum, menntun, forvarnarstarfi, líknarmálum eða öðru því sem stjórn sjóðsins ákveður hverju sinni og efla með því tengsl Norvikur við samfélagið og það umhverfi sem félagið starfar í.

Þriggja manna stjórn, tilnefnd árlega af stjórn Norvikur, mun móta stefnu sjóðsins og taka afstöðu til umsókna hverju sinni.